МАН-ын 28-р Их хурал болж, намынхаа удирдлагад салхи орууллаа. Намын Удирдах зөвлөлөө юутай ч 29 гишүүнээр батлав. Шинээр бүрдсэн Удирдах зөвлөлд У.Хүрэлсүх, Д.Амарбаясгалан, Ц.Бат-Энх, М.Энхболд, Л.Энх-Амгалан, Д.Хаянхярваа, Я.Содбаатар, Б.Саранчимэг, Ө.Энхтүвшин, Г.Занданшатар, Ц.Цогзолмаа, Ж.Эрдэнэбат, С.Батболд, Т.Аюурсайхан, Г.Солтан, С.Бямбацогт, Л.Оюун-Эрдэнэ, Ж.Энхбаяр, Д.Тогтохсүрэн, Ж.Мөнхбат, Ц.Гарамжав, М.Оюунчимэг, Г.Мөнхцэцэг, Д.Сарангэрэл, О.Содбилэг, Ж.Ганбаатар, Д.Оюунхорол, Сү.Батболд, Ч.Улаан, Ц.Нямдорж нарын гишүүд сонгогджээ.
Өмнөх Удирдах зөвлөлд байсан Б.Бат-Эрдэнэ, Х.Булгантуяа, Д.Гантулга, Т.Гантуяа, Ц.Даваасүрэн, Ц.Сандуй, С.Төмөр-Очир, Н.Төмөрхүү, Д.Тэрбишдагва, Ч.Хүрэлбаатар, Д.Цогтбаатар, Н.Энхболд нарыг хасжээ.
Энэ онд болсон Ерөнхийлөгчийн сонгуульд МАН ялагдал хүлээсний хариуцлагыг хоёр ч хүн үүрээд байна. Төрийн албыг зарж 690 тэрбумыг босгоно гэсэн бичлэг МАН-ыг энэ сонгуульд ялагдуулах гол шалтгааны нэг болсон гэж үзэж, НИТХ-ын дарга, нийслэлийн намын хорооны дарга Ц.Сандуйг огцруулсан. Сая болсон Их хурлаар намын дарга М.Энхболд хариуцлагаа хүлээж албан тушаалаа өгсөн.
Ингэснээр тэдний орыг хэн залгах тухай нэлээд яригдсаны эцэст 28-р Их хурлаар цэглэгдлээ. Өөрөөр хэлбэл, МАН-ын дараагийн удирдагч нарыг тодрууллаа. Намын даргаар Ерөнхий сайд У.Хүрэлсүх олонхийн саналаар сонгогдож, генсекээр Д.Амарбаясгалан, нарийн бичгийн даргаар Ц.Бат-Энх улиран ажиллах боллоо.
Харин НИТХ-ын даргаар С.Амарсайхан сонгогдон ажиллаж эхлээд байна. Ийнхүү МАН дөрвөн сайхан, шижигнэсэн залуугаар удирдуулах боллоо. Тэд хэрхэн ажилласнаас энэ намын төдийгүй улс орны хувь заяа шалтгаална. Тэд хувийн болон намын өчүүхэн эрх ашгийг биш улс орны эрх ашгаа том харж ажиллавал Монгол Улс л хөгжинө. Үгүй бол тэдний өөрсдийн карьер ч залуугаараа дуусна гэсэн үг.
Авууштай нь энэ дөрөв нэг тал байсан, цаашид тэгж ажиллах байх. Хар үгээр хэлэхэд тэдэнд МАН итгэл хүлээлгэлээ. Даах эсэхийг 2020 онд харах биз. МАН-ын 100 жилийн ойг ямар хүрээнд тэмдэглэх вэ гэдэг энэ дөрвөөс хамаарах боллоо. Гэхдээ энд нэг дурдахгүй өнгөрч болохгүй зүйл бол МАН-ынхнаас одоо биенийгээ чадах, доош чангаах гэж улс орон хорлохоо боль гэж хэлмээр байна.
Эх сурвалж: mminfo.mn
Холбоотой мэдээ
(1) Сэтгэгдэл
Leave a Reply
Түгээх
ТүгээхЭрх бүхий компаниудыг Голомт банкны нийт салбар, төвийн нэгжүүдэд “ДОТОР БОЛОН ГАДНА ХАЯГ, ХАЯГЖИЛТ, РЕКЛАМ ЧИМЭГЛЭЛ”-ийг хийж, гүйцэтгэх тендерийн нээлттэй сонгон шалгаруулалтад урьж байна. Түгээх
August 01, 2022
Түгээх
ТүгээхХүүхэд багачуудын хувьд 6-р сарын 1 хамгийн их хүсэн хүлээдэг баярын өдөр нь байдаг. Голомтбанк жил бүрийн энэ өдөр бяцхан харилцагчдадаа зориулсан хөнгөлөлт, урамшуулал, арга хэмжээгтогтмол зохион байгуулж ирсэн. Харин энэ жилийн хувьд хүүхэд, багачуудад зориулсанбүтээгдэхүүн үйлчилгээг бяцхан харилцагчдадаа илүү […]
May 31, 2022
Түгээх
ТүгээхНӨАТ-ын урамшууллын 2021 оны долдугаар сарын сугалааны тохирлын нэвтрүүлэг долдугаар сарын 18-ны Ням гарагт Боловсрол телевизээр орон даяар шууд явагдана. 2021 оны зургаадугаар сарын 1-31-ний өдөр хүртэлх хугацаанд худалдан авалт хийсэн төлбөрийн баримтаа 2021 оны долдугаар сарын 17-ны өдрийн 23 цаг […]
July 16, 2021
Түгээх
ТүгээхЭрүүл мэндийн сайд С.Энхболд 12-15 насны хүүхдүүдийн вакцинжуулалтыг ирэх долоо хоногт эхлүүлэх талаар мэдээлжээ. Тодруулбал, тэрбээр “Бид ДЭМБ-ын дэргэдэх вакцинжуулалт хариуцсан зөвлөлтэй цахимаар холбогдож, Файзер вакциныг 12-15 насны хүүхдүүдэд хийх зөвшөөрөл авсан. Тиймээс эдгээр насны хүүхдүүдийн вакцинжуулалтыг энэ долоо хоногийн […]
June 23, 2021
Түгээх
ТүгээхАймаг, нийслэл, сум, дүүргийн Иргэдийн төлөөлөгчдийн хурлын 2020 оны ээлжит сонгууль ирэх аравдугаар сарын 15-нд 07.00.-20.00 цагийн хооронд болно. Тиймээс сонгуулийн үйл явцтай холбоотой мэдээллийг багцлан хүргэе. Улсын хэмжээнд нийт 17161 орчим нэр дэвшигч бүртгүүлснээс аймаг, нийслэлийн 816 мандатын төлөө […]
October 10, 2020
Anonymous
Боловсролын яам дотоод асуудлаараа хамгийн маапаантай байгаа. Тус яамыг сайд Ц.Цогзолмаа бус Төрийн захиргааны газрын даргын үүрэг гүйцэтгэгч С.Мөнхөөлэй гэж эмэгтэй удирддаг, баздагийг хэвлэл мэдээллийн хэрэгслээр олонтаа мэдээлж байсан. С.Мөнхөөлэй нь яамны бүх бодлого, чиглэлийг ганцаараа тогтоож, ноёрхсон ба түүнээс өөр мэдэлтэй хүн яаманд байхгүй байгаа ажээ. Тэрбээр газрын дарга болохдоо Төрийн албаны сонгон шалгаруулалтад ороогүй өөрөөр хэлбэл жинхлээгүй хууль бус, эрхзүйн чадамжгүй нэгэн хирнээ ингэж дураараа дургиж дунд чөмгөөрөө жиргэж байгаа нь цаанаа учир шалтгаантай юм байна.
Боловсролын яам Засгийн газраас хамгийн их зөрчилтэй, ажил үүргээрээ доголдож яваа яамаар шалгарсан бөгөөд Цогзолмаа сайдын тавьсан газрын дарга нар, мэргэжилтнүүд, харъяа байгууллагын удирдлагууд төрийн албаны шалгалтад ороогүй, бүгд үүрэг гүйцэтгэгч нар юм. Төрийн албаны зөвлөлөөс саяхан яамд, агентлагийн удирдлагуудын сонгон шалгаруулалтыг зарлаж шалгалтыг авсан ч гэлээ Боловсролын яам л тунаж үлдэж, эрх мэдэлтэй дарга нарын хэн нь ч шалгалтад орсонгүй хойшлогджээ. Хэдэн мэргэжилтнүүд нь шалгалтад орсон ба зарим нь шалгалтдаа өвдөг шороодсон ч гэлээ тэднийг чөлөөлөлгүй , хууль бусаар ажиллуулсаар байгаа юм байна.
Цогзолмаа сайд өөрийн дарга нарыг байлгахын тулд Төрийн албаны шалгалтыг хойшлуулж, цаг уяж чадаж байгаагийн нууц тайлагджээ. Төрийн албаны зөвлөл Боловсролын яаманд бусад яамнаас ингэж зөөлөн хандаад найрлаад байгаагийн шалтгаан тодорхой гэнэ.
Учир нь Төрийн албаны зөвлөлийн дарга Б.Цогоогийн хүү Ганболдын эхнэр Б.Золзаяаг С.Мөнхөөлэй дарга өөрийн Төрийн захиргааны газартаа мэргэжилтнээр дэргэдээ ажилд авч, торгонд ороон тосонд бөмбөрүүлэнхэн байгаа юм байна. Тиймээс Мөнхөөлэйгийн жинхлээгүй, хууль бус дарга хирнээ даналзаж байгаа нь Төрийн албаны зөвлөлийн даргын хайртай бэрийг эрхлүүлж чадаж байгаагийн ач гавъяа гэнэ. Б.Золзаяа нь мэргэжлийн бус инженер нэгэн аж. Б.Цогоо дарга хүү Ц.Ганболдоо бас Гадаад харилцааны яаманд ажилд оруулаад авчээ.
Ийнхүү Б.Цогоо дарга, Ц.Цогзолмаа сайд, Мөнхөөлэй гурав хонины найр болж төрийн албыг самууруулж байна. Ер нь Цогзолмаа сайдын шалгалтгүй авсан мэргэжилтнүүд голдуу Ховд нутгийнх гэнэ. Нутгийнхандаа ээлтэй Цо сайдыгаа яамных нь Ховдынх бол асуудалгүй гэж шивнэлддэг аж