Монгол Улсын Ерөнхийлөгч Х.Баттулга ХБНГУ-ын Бундестагийн гишүүн Манфред Грундыг хүлээн авч уулзав
Монгол Улсын Ерөнхийлөгч Х.Баттулга ХБНГУ-ын Бундестагийн гишүүн Манфред Грундыг хүлээн авч уулзав

Монгол Улсын Ерөнхийлөгч Х.Баттулга өнөөдөр Холбооны Бүгд Найрамдах Герман улс /ХБНГУ/-ын Бундестагийн гишүүн, Бундестаг дахь Төв Азийн бүлгийн дарга Манфред Грундыг хүлээн авч уулзлаа.

Уулзалтын үеэр Монгол Улсын Ерөнхийлөгч Х.Баттулга тус улстай эдийн засгийн хамтын ажиллагаагаа хөгжүүлэх болон хоёр улсын хамтарсан томоохон төслүүдийг ажил хэрэг болгохын чухлыг онцлов. Мөн талууд хоёр орны цаашдын хамтын ажиллагаа болон сэргээгдэх эрчим хүч, батлан хамгаалах гэх мэт тодорхой салбаруудад хэрхэн хамтарч ажиллах боломж байгаа талаар санал солилцсон юм.


2017 оны байдлаар Монгол, ХБНГУ хооронд хийсэн худалдааны бараа эргэлтийн хэмжээ 140 сая гаруй ам.доллар байгаагаас экспорт 10 сая гаруй ам.доллар, импорт 130 сая орчим ам.долларыг эзэлж байна. Мөн ХБНГУ-ын шууд хөрөнгө оруулалт 2017 оны байдлаар 50 сая ам.доллар байсан нь манай улс дахь гадаадын шууд хөрөнгө оруулалтын 0.8 орчим хувьтай тэнцэж байгаа юм байна.

Мэдээний дүрсийг хүлээн авч үзнэ үү:

 

Холбоотой мэдээ

(0) Сэтгэгдэл

Leave a Reply

Your email address will not be published.