Онцгой байдлын албанд шагналын хур буулаа

Үндэсний их баяр наадам, Ардын хувьсгалын 97 жилийн ойг тохиолдуулан Онцгой байдлын байгууллагад олон жил идэвх, зүтгэл гарган үр бүтээлтэй ажиллаж байгаа алба хаагчдыг өнөөдөр шагнаж урамшууллаа.

Алба хаагчдыг шагнах ёслолын ажиллагаанд ОБЕГ-ын тэргүүн дэд дарга бөгөөд штабын дарга, бригадын генерал Г.Ариунбуян болон даргын зөвлөлийн гишүүд оролцсон юм.

Монгол Улсын ерөнхийлөгчийн зарлигаар “Цэргийн гавьяаны одон”-оор ОБЕГ-ын ахмад настан, бэлтгэл хурандаа Дагдандоржийн Эрдэнэбилэг нарын 3 алба хаагч, “Цэргийн хүндэт медаль”-иар ОБЕГ-ын Улсын нөөц, хүмүүнлэгийн тусламжийн газрын газрын тосны бүтээгдэхүүний нөөц хариуцсан мэргэжилтэн, ахмад Сосорын Байгалмаа, Нийслэлийн Онцгой байдлын газрын Нийслэлийн Аврах анги-105-ын Эрэн хайх, аврах салбарын жолооч-холбоочин, ахлах ахлагч Дүүмаамын Эрдэнэбаяр, Чингэлтэй дүүргийн Онцгой байдлын хэлтсийн гал түймрийн улсын хяналтын ахлах байцаагч, хошууч Аюушийн Амартүвшин, Гал түймэр унтраах, аврах 10 дугаар ангийн салааны захирагчийн туслах, ахлах ахлагч Намсрайхоролын Батзориг, мөн ангийн гал сөнөөгч, ахлах ахлагч Батсуурийн Бямбасайхан, мөн ангийн тасгийн дарга, ахлах ахлагч Данаасүрэнгийн Нэргүй,  Сонгинохайрхан дүүргийн Онцгой байдлын хэлтсийн урьдчилан сэргийлэх асуудал хариуцсан мэргэжилтэн, ахлах дэслэгч Хуваагийн Батцэцэг, Гал түймэр унтраах, аврах 26 дугаар ангийн шатны техникч, ахлах ахлагч Гүрсэдийн Баасанжав, Мөн ангийн дуудлага хүлээн авагч, ахлах ахлагч Пэрэнлэйн Булганмаа, Баянгол дүүргийн Онцгой байдлын хэлтсийн Гал түймэр унтраах, аврах 18 дугаар ангийн гал унтраах автомашины жолооч, ахлах ахлагч Лхүндэвийн Лхагвадорж, “ТЭЦ-3” ДЦС-ын гэрээт галын хэсгийн гал сөнөөгч, ахлах ахлагч Алагаагийн Баярхүү, Үндэсний аврах бригадын Агаарын ажиллагааны салбарын захирагч-шүхрийн ахлах зааварлагч, ахмад Жамбалдоржийн Гэрэлт-Од, Хүнс, хувцасны хангалт хариуцсан мэргэжилтэн, ахлах дэслэгч Гаваасамбуугийн Отгонгэрэл, Уул уурхайн аврах ангийн төлөвлөлт, бэлэн байдал хариуцсан мэргэжилтэн, ахмад Дашдэндэвийн Санжаасүрэн, Мэдээлэл шуурхай удирдлагын төвийн Шуурхай удирдлагын хэлтэс /101, 105/-ийн ерөнхий зохицуулагч, дэд хурандаа Цэндийн Мөнхжаргал нарын 33 алба хаагч шагнагдсан юм.

Холбоотой мэдээ

(0) Сэтгэгдэл

Leave a Reply

Your email address will not be published.